навіны

Беларусам прыходзяць фэйкавыя лісты «пашпартнага цэнтру» новай Беларусі

Як можа выглядаць пашпарт новай Беларусі. (Крыніца: Аб’яднаны пераходны кабінет Беларусі / Telegram)
Як можа выглядаць пашпарт новай Беларусі. (Крыніца: Аб’яднаны пераходны кабінет Беларусі / Telegram)
podpis źródła zdjęcia

Верагодна, сілавікі спрабуюць атрымаць персанальныя звесткі тых, каму цікавы пашпарт новай Беларусі.

Некаторым беларусам пачалі прыходзіць электронныя лісты быццам бы ад імя «валанцёрскай службы праекту новага нацыянальнага пашпарта Беларусі» з прапановаю пакінуць персанальныя звесткі дзеля «невялікага сумоўя». Гэта фэйк рэжыму Лукашэнкі, паведамляе прадстаўніцтва замежных справаў Аб’яднанага пераходнага кабінету.
Як можа выглядаць пашпарт новай Беларусі. (Крыніца: Аб’яднаны пераходны кабінет Беларусі / Telegram)
Як можа выглядаць пашпарт новай Беларусі. (Крыніца: Аб’яднаны пераходны кабінет Беларусі / Telegram)
Такім чынам сілавікі хочуць сабраць персанальныя звесткі беларусаў, адзначае прадстаўніцтва замежных справаў АПК.
«У праекту новага нацыянальнага пашпарта Беларусі няма ніякай валанцёрскай службы. Мы не збіраем і не плануем збіраць аніякія персанальныя звесткі беларусаў праз інтэрнэт і звязвацца праз Gmail.
Калі вам хтосьці напісаў ад імя Прадстаўніцтва / Кабінету / Офісу / «пашпартнага цэнтру», перад тым як адказваць, зазірніце ў афіцыйныя сацыяльныя сеткі Прадстаўніцтва па замежных справах, Абʼяднанага пераходнага кабінету Беларусі і кіраўніцы Кабінету Святланы Ціханоўскай. Толькі там публікуецца афіцыйная інфармацыя аб праекце новага нацыянальнага пашпарта Беларусі!» – піша прадстаўніцтва.
Як выглядае фэйкавае паведамленне. (Крыніца: прадстаўніцтва замежных справаў АПК)
Як выглядае фэйкавае паведамленне. (Крыніца: прадстаўніцтва замежных справаў АПК)
Раней рэжым неаднаразова дасылаў фэйкі нібыта ад імя плану «Перамога». Потым сілавікі сцвярджалі, што затрымалі тых, хто адгукнуўся на ілжывыя паведамленні.
Арсен Рудэнка belsat.eu

больш па гэтай тэме

Глядзіце больш
Item 1 of 4

апошнія

Item 1 of 10