Звесткі пра гэта змешчаныя на сайце форуму.
Абраная прэзідэнтка Беларусі Святлана Ціханоўская выступіць на IX Дэльфійскім эканамічным форуме, што пройдзе ў Дэльфах (Грэцыя) з 10 па 13 красавіка. Звесткі пра гэта змешчаныя на сайце форуму.
Выступ беларускай лідаркі запланаваны на 11 красавіка. Яна возьме ўдзел у дыскусіі «Становішча ў свеце».
«Святлана Ціханоўская – нацыянальная лідарка Беларусі і кіраўніца Аб’яднанага пераходнага кабінету, якая, на думку незалежных назіральнікаў, выйграла на прэзідэнцкіх выбарах 9 жніўня 2020 года ў шматгадовага дыктатара Аляксандра Лукашэнкі. Пасля пачатку расейскага ўварвання ва Украіну 24 лютага 2022 года Ціханоўская перафарматавала кіраўніцтва руху, стварыўшы і ўзначаліўшы Аб’яднаны пераходны кабінет – цэнтр прыняцця рашэнняў руху. У 2020–2023 гадах Святлана Ціханоўская стала сімвалам мірнай барацьбы за дэмакратыю і моцнае жаночае лідарства», – гаворыцца на сайце эканамічнага форуму.
У форуме, сярод іншага, плануюцца таксама выступы прэзідэнтаў Грэцыі, Украіны, Славеніі і Чарнагорыі.
Якуб Хруст belsat.eu
