Але калі Ізраіль адкажа, абяцаюць ударыць яшчэ мацней.
Міністр замежных справаў Ірану Гусэйн Амір-Абдулагіян заявіў, што напад на Ізраіль з’яўляўся «абарончай мерай» і Тэгеран не плануе працягваць атакі.
Паводле кіраўніка МЗС Ірану Гусэйна Амір-Абдулагіяна, Тэгеран дэманструе «адказны падыход да рэгіянальнага і міжнароднага міру і бяспекі».
,,«На дадзены момант Ісламская Рэспубліка Іран не мае намеру працягваць абарончыя аперацыі, але ў выпадку неабходнасці яна без ваганняў будзе абараняць свае законныя інтарэсы ад любой новай агрэсіі», – напісаў ён у сацсетцы X.
Аналагічную заяву зрабіў начальнік штабу ўзброеных сілаў Ірану Магамад Гусэйн Багэры.
,,«Нашыя аперацыі скончаны, і мы не маем намеру іх працягваць», – цытуе генерала Reuters.
Разам з тым, Багэры прыгразіў, што калі Ізраіль учыніць удар у адказ, то Іран нанясе новы ўдар і ён будзе «значна больш маштабным, чым сённяшняя ваенная акцыя». Ён таксама распавёў, што Тэгеран папярэдзіў Вашынгтон: калі ЗША прымуць удзел у контрудары Ізраілю супраць Ірану, то амерыканскія базы ў рэгіёны стануць мішэнню.
Глеб Нержын belsat.eu
