Рэгуляванне коштаў як дамоклаў меч беларускай эканомікі.
Адміністрацыйнае рэгуляванне коштаў працягвае стрымліваць іх рост у Беларусі, аднак на сярэднетэрміновым гарызонце інфляцыйны ціск нарастае. Гэтак у ЕАБР пракаментавалі звесткі пра інфляцыю ў Беларусі за сакавік.
«Ва ўмовах дзейнага адміністрацыйнага рэгулявання цэны вельмі абмежавана могуць рэагаваць на рост унутранага попыту, што фармуе інфляцыйны ціск на сярэднетэрміновым гарызонце», – гаворыцца ў штотыднёвым аглядзе ЕАБР.
У банку звярнулі ўвагу на тое, што ў сакавіку замарудзіўся рост гадавога індэксу коштаў на харчы і тарыфаў на паслугі. У той жа час рост індэксу цэнаў на нехарчовыя тавары паскорыўся.
Нагадаем: гадавая інфляцыя ў Беларусі паводле вынікаў сакавіка склала 5,6 %.
Ася Саковіч belsat.eu
