«У аўтобуса разбітая ўся пярэдняя частка і бакавыя шыбы».
На Смілавіцкім тракце недалёка ад Шабаноў адбылося ДТЗ з гарадскім аўтобусам і цяжкавіком. Пацярпелі 14 асобаў, паведамілі ў МУС. «У аўтобуса разбітая ўся пярэдняя частка і бакавыя шыбы», – кажуць відавочцы.
,,«У аўтобуса разбітая ўся пярэдняя частка і бакавыя шыбы. Заляцеў у бок цяжкавіку», – апавялі відавочцы аварыі выданню «Onliner».
На месцы ДТЗ налічылі 8 машынаў хуткай дапамогі.
Як паведамілі ў МУС, паводле папярэдніх звестак, пацярпелі 14 асобаў.
У Мінздароўя праінфармавалі, што пацярпелых прывезлі ў сем гарадскіх шпіталяў. У людзей выявілі камбінаваныя траўмы: чэрапна-мазгавыя траўмы, пераломы, ірваныя раны. Як запэўнілі ў ведамстве, пацярпелым надаюць усю неабходную дапамогу.
Аварыя адбылася на Смілавіцкім тракце недалёка ад Шабаноў у кірунку Менску. Пасля здарэння там было цяжка праехаць.
Што сталася прычынаю ДТЗ, пакуль не вядома. Грузавік, з якім сутыкнуўся аўтобус, стаяў ля краю праезнай часткі.
Апошняе падобнае дарожна-транспартнае здарэнне адбылося ў сталіцы ў лютым: на вуліцы Сямашкі сутыкнуліся два аўтобусы. Паведамлялася, што кіроўца аднаго з іх заснуў за стырном. Тады пацярпелі 9 асобаў.
Сцяпан Кубік belsat.eu
