Вынікі абвясцілі ў ноч на 28 траўня, але, як аказалася, з ненаўмыснаю тэхнічнаю памылкаю.
Выбары ў Каардынацыйную раду прайшлі 25–27 траўня. Вынікі абвясцілі ў ноч на 28 траўня, але, як аказалася, з ненаўмыснаю тэхнічнаю памылкаю. На прэс-канферэнцыі ранкам 28 траўня абвясцілі правільныя.
Старшыня Выбарчай камісіі Алена Прыходзька растлумачыла на прэс-канферэнцыі, што пры размеркаванні мандатаў праз Excel-табліцу адбылася памылка ў формуле. Колькасць галасоў за спісы і агульная колькасць галасоў была правільная, але адзін мандат налічылі памылкова. Яе выявілі ў ноч на 28 траўня, калі рабілі дадатковую правяранне.
Спісам «Наша справа» і «Моладзевы наступ» спачатку налічылі па 7 мандатаў. Але пасля пераліку «Наша справа» атрымала 6 мандатаў, «Моладзевы наступ» – 8 мандатаў.
Такім чынам, замест Лізаветы Жучковай у КР трапляе Аляксандр Аўтушка-Сікорскі.
1. «Салідарнасць» – 104 галасы, 0 мандатаў.
2. «Воля» – 432 галасы, 6 мандатаў.
3. «Еўрапейскі выбар» – 605 галасоў, 8 мандатаў.
4. «Наша справа» – 489 галасоў, 6 мандатаў (а не 7).
5. «Закон і правапарадак» – знялі з выбараў да пачатку галасавання.
6. «Голас дыяспараў – Адзінства па-над межамі» – 184 галасы, 0 мандатаў.
7. «Незалежныя беларусы» – 616 галасоў, 8 мандатаў.
8. Блок Пракоп’ева – Ягорава – 1050 галасоў, 13 мандатаў.
9. Каманда Латушкі і Рух «За свабоду» – 2358 галасоў, 28 мандатаў.
10. «Хопіць баяцца» – 226 галасоў, 3 мандаты.
11. «Краіна для жыцця» – 61 голас, 0 мандатаў.
12. «Моладзевы наступ» – 598 галасоў, 8 мандатаў (а не 7).
На выбарах свае галасы аддалі 6723 беларусы.
Алесь Наваборскі belsat.eu
