Яны абаранялі Украіну на харкаўскім кірунку.
Два байцы палка Каліноўскага загінулі на Харкаўскім кірунку 9 чэрвеня падчас супраціву расейскай агрэсіі. Пра гэта паведамляе прэс-служба палка Каліноўскага.
«Трагедыя здарылася па дарозе на пазіцыі, дзе яны меліся забраць адзін з баявых разлікаў пасля сканчэння задачы, але натрапілі на міну. Атрыманыя траўмы аказаліся несумяшчальныя з жыццём», – піша прэс-служба палка.
Целы байцоў у тую ж ноч былі эвакуяваныя з месца трагедыі з дапамогай сумежных падраздзяленняў ЗСУ. Сярод іх параненых няма.
Асабістыя дадзеныя загінулых не распаўсюджваюцца дзеля бяспекі іхных сяброў і блізкіх, якія застаюцца на тэрыторыі Беларусі.
Развітанне з ваярамі будзе арганізаванае службай ваярскай дапамогі палка імя Каліноўскага.
«Пабрацімы выказваюць глыбокае спачуванне сем’ям і блізкім ваяроў», – піша полк Каліноўскага.
Арсен Рудэнка belsat.eu
