Вызваліць палітвязняў заклікалі краіны G7.
Камітэт ужывання стандартаў Міжнароднай арганізацыі працы (МАП) заклікаў беларускія ўлады дазволіць незалежным лекарам доступ да зняволеных прафсаюзных актывістаў. Пра гэта гаварылася на адмысловым пасяджэнні ў рамках 112-й Міжнароднай канферэнцыі працы ў Жэневе.
Камітэт просіць улады Беларусі тэрмінова прыняць міжнародную гуманітарную місію, каб дазволіць незалежным лекарам наведаць усіх зняволеных актывістаў прафсаюзаў для ацэнкі іх здароўя і аказання дапамогі, а таксама прыняць трохбаковую місію МАП для ацэнкі сітуацыі і наведвання прафсаюзных актывістаў, якія знаходзяцца ў месцах зняволення.
Нагадаем, што лідары краінаў «Вялікай сямёркі» асудзілі саўдзел рэжыму Аляксандра Лукашэнкі ў агрэсіі Расеі супраць Украіны і заклікалі беларускія ўлады вызваліць палітычных зняволеных. Яны таксама асудзілі заявы Расеі аб размяшчэнні ядравай зброі ў Беларусі.
Якуб Хруст belsat.eu
