Аўтамабіль, у якім яна была, выехаў на сустрэчную паласу і ўрэзаўся ў фуру.
У Драгічынскім раёне сямʼя з чатырох чалавек загінула ў аварыі. Аўтамабіль, у якім яны былі, выехаў на сустрэчную паласу і ўрэзаўся ў фуру 4 ліпеня.
«Паводле папярэдніх звестак, удзень 4 ліпеня на аўтадарозе М-10 45-гадовы кіроўца “SsangYong” выехаў на паласу сустрэчнага руху, дзе сутыкнуўся з фурай. У выніку ДТЗ кіроўца іншамаркі і тры яго пасажыры (мама, жонка і малалетняя дачка) загінулі на месцы», – паведамляе Следчы камітэт Беларусі.
СК распачаў крымінальную справу за парушэнне правілаў дарожнага руху, якое выклікала па неасцярожнасці смерць дзвюх або больш асобаў.
Арсен Рудэнка belsat.eu
