Пакаранне паводле выстаўленага абвінавачання прадугледжвае да сямі гадоў зняволення.
12 ліпеня ў Магілёве пачнецца суд над журналістам-фрылансерам Алесем Сабалеўскім і аператарам Яўгенам Глушковым. Іх абвінавачваюць ва «ўдзеле ва ўзброеным фармаванні або канфлікце» і ўдзеле ў «экстрэмісцкім фармаванні».
Працэс будзе ісці ў Магілёўскім абласным судзе, яго будзе весці суддзя Дзмітрый Кранжыеўскі, паведамляе «MAYDAY.TEAM».
У дачыненні Алеся Сабалеўскага і Яўгена Глушкова выставілі абвінавачанне паводле трох артыкулаў:
Алесь Сабалеўскі – журналіст-фрылансер, які да 2020 года супрацоўнічаў з гарадскімі онлайн-выданнямі. Апошнімі гадамі ён не займаўся журналісцкімі праектамі. Яго затрымалі 12 снежня 2023 года на працоўным месцы. Пасля двух адміністратыўных арыштаў на яго завялі крымінальную справу.
Былы магілёўскі журналіст і аператар Яўген Глушкоў працаваў у канцы 1990-х – 2000-х гадах на гарадскім тэлебачанні, а таксама супрацоўнічаў з некаторымі гарадскімі парталамі. Паводле праваабаронцаў, апошнімі гадамі ён не займаўся прафесійнаю дзейнасцю. Яго затрымалі ў пачатку студзеня 2024 года.
Раман Шавель belsat.eu
