навіны

Ціханоўская папрасіла Сікорскага захаваць «Белсат» і змякчыць умовы правозу тавараў фізасобамі

Сустрэча Святланы Ціханоўскай і Радослава Сікорскага. (Фота: Офіс Ціханоўскай)
Сустрэча Святланы Ціханоўскай і Радослава Сікорскага. (Фота: Офіс Ціханоўскай)
podpis źródła zdjęcia

Ціханоўская распавяла пра крытычную важнасць канала, адзначыла яго ўнікальнасць.

Падчас саміту NATO кіраўніца Аб’яднанага пераходнага кабінета Святлана Ціханоўская сустрэлася з міністрам замежных спраў Польшчы Радославам Сікорскім. Святлана Ціханоўская падзякавала міністру за цвёрдасць і рашучасць у дачыненні да рэжыму, а таксама за падтрымку свабоднай Беларусі.
Сустрэча Святланы Ціханоўскай і Радослава Сікорскага. (Фота: Офіс Ціханоўскай)
Сустрэча Святланы Ціханоўскай і Радослава Сікорскага. (Фота: Офіс Ціханоўскай)
Падчас сустрэчы абмеркавалі сітуацыю з тэлеканалам «Белсат». Святлана Ціханоўская распавяла пра крытычную важнасць «Белсату», адзначыла яго ўнікальнасць як медыя і заклікала міністра працягнуць яго падтрымку і захаваць незалежнасць каналу.
Таксама гаварылі пра сітуацыю на мяжы. Міністр распавёў Ціханоўскай, што сурʼёзна разглядаецца закрыццё мяжы для грузаперавозак. Ціханоўская адзначыла важнасць захавання пасажырскага злучэння.
Святлана Ціханоўская распавяла пра абмежаванні, з якімі сутыкнуліся беларусы, у прыватнасці, з правозам рэчаў і тавараў для асабістага карыстання. Яна звярнула ўвагу міністра на неабходнасць удакладніць інструкцыі, каб зняць ці змякчыць абмежаванні для фізічных асобаў.
Таксама Ціханоўская папрасіла міністра працягнуць выдачу візаў, у першую чаргу гуманітарных. Ціханоўская адзначыла, што акрамя гуманітарных важна выдаваць і звычайныя візы. Раней Польшча істотна скараціла колькасць выдачы візаў
Беларуская лідарка і польскі міністр абмеркавалі лёс Анджэя Пачобута і іншых палітвязняў. Ціханоўская заклікала трымаць пытанне палітвязняў на парадку дня і дабівацца вызвалення ўсіх незаконна асуджаных.
Здымак мае ілюстрацыйны характар. (Фота: Белсат)

«Белсат NEWS» увайшоў у топ-10 рэйтынгу беларускіх YouTube-каналаў

навіны
Сярод іншага абмеркавалі бягучы саміт NATO, супольныя мерапрыемствы падчас Генасамблеі ААН, а таксама правядзенне польска-беларускай канферэнцыі на пачатку наступнага году.
Якуб Хруст belsat.eu
больш па гэтай тэме Глядзіце больш
Item 1 of 4
апошнія
Item 1 of 10