Яго судзілі за распаўсюд «экстрэмісцкай прадукцыі».
Затрыманага 3 чэрвеня журналіста бабруйскага выдання «Коммерческий Курьер» Дзмітрыя Суслава асудзілі на 15 содняў арышту, паведамляе Беларуская асацыяцыя журналістаў.
Яго судзілі па артыкулу 19.11 КаАП («Распаўсюджванне інфармацыйнай прадукцыі, уключанай у рэспубліканскі спіс экстрэмісцкіх матэрыялаў»).
Днём 3 чэрвеня супрацоўнікі РАУС прыйшлі ў рэдакцыю мясцовага выдання і, не патлумачыўшы прычыны, забралі журналіста. Суслава да позняга вечара трымалі ў РАУС, пасля чаго адправілі ў ІЧУ.
Суд адбыўся 6 чэрвеня ў бабруйскім ІЧУ.
Што менавіта стала прычынай затрымання – не вядома.
Алена Рувіна belsat.eu
