Пункт выдачы зарганізавалі ў Мэлітопалі.
Выдаваць расейскія пашпарты жыхарам Запарожскай вобласці, якія атрымалі грамадзянства Расейскай Федэрацыі, пачнуць 11 чэрвеня, паведамляе ТАСС.
Пра гэта абвясціў прадстаўнік новай прарасейскай «адміністрацыі» рэгіёну Уладзімір Рогаў.
,,«Заўтра жыхары вызваленай тэрыторыі Запарожскай вобласці пачнуць атрымліваць пашпарты грамадзянаў Расеі, гэта значыць, стануць паўнавартаснымі грамадзянамі нашай вялікай адзінай радзімы», – сказаў Уладзімір Рогаў.
У Мэлітопалі зарганізавалі цэнтр прыёму дакументаў на афармленне расейскага грамадзянства.
Раней Рогаў заяўляў, што рэферэндум у Запарожскай вобласці аб уваходжанні яе ў склад РФ пройдзе сёлета, а рыхтаванне да яго зойме некалькі месяцаў.
Алена Рувіна belsat.eu
