Загінулы Зміцер Апанасовіч узнагароджаны медалём пасмяротна.
Байцы палка імя Кастуся Каліноўскага атрымалі дзяржаўныя ўзнагароды «За бойові заслуги», а таксама «Україна понад усе».
Цяпер вайскоўцы знаходзяцца на баявым выездзе, паведамляе афіцыйны канал палку ў Telegram.
,,«Для нас гэта вялікі гонар і ацэнка нашай баявой працы», – так пракаментавалі ў палку прысваенне ўзнагарод.
Паведамляецца, што адзін з беларускіх добраахвотнікаў – Зміцер Апанасовіч з пазыўным «Тэрор», – узнагароджаны медалём «За бойові заслуги» пасмяротна.
Зміцер Апанасовіч быў цяжка паранены ў цяжкіх баях пад Ірпінём. Яго тэрмінова завезлі ў шпіталь, але выратаваць жыццё ў дактароў не ўдалося, ён памёр 24 сакавіка.
Раней пасмяротна прысвоілі званне Героя Украіны беларускаму добраахвотніку Аляксею Скоблю. Ён загінуў 13 сакавіка ў абарончых баях за Кіеў, калі прыкрываў адыход сваіх байцоў. Аляксей стаўся другім беларусам, якому прысвоілі званне Героя Украіны. Першы быў Міхаіл Жызнеўскі, якога забілі падчас пратэстаў на Майдане ў 2014 годзе.
Алена Рувіна belsat.eu
