Краіны змаглі пераадолець ранейшыя супярэчнасці
Турэччына змагла пераадолець супярэчнасці з Фінляндыяй і Швецыяй і дала згоду на далучэнне скандынаўскіх краін да NATO. Краіны падпісалі трохбаковы мемарандум, паведамляе агенцтва «Reuters».
Падпісанне дакумента адбылося ў Мадрыдзе. Генеральны сакратар NATO Енс Стольтэнберг правёў сустрэчу ў прэзідэнтам Турэччыны, Фінляндыі і прэм’ер-міністрам Швецыі. Верагодна, што ў рэалізацыі падпісання пагадненняў паспрыяў прэзідэнт ЗША Джо Байдан, які прыбыў у Іспанію на саміт NATO і мусіў сустрэцца з Рэджэпам Эрдаганам.
У выніку міністры замежных спраў падпісалі трохбаковы мемарандум, які пацвярджае, што Турэччына на мадрыдскім саміце на гэтым тыдні падтрымае членства Фінляндыі і Швецыі ў NATO.
У мемарандуме падкрэсліваецца, што Фінляндыя, Швецыя і Турэччына абавязаны аказваць адзін аднаму поўную падтрымку супраць пагроз бяспецы адзін аднаго. Дэталёвыя крокі па далучэнні краін да Альянсу будуць узгодненыя на працягу наступных двух дзён.
Нагадаем, што Швецыя і Фінляндыя падалі заяўку на ўступленне ў NATO у траўні. Усе 30 краін-членаў павінны даць згоду на паступленне. Да нядаўняга часу ўлады Турэччыны пагражалі накласці вета. Таксама ўлады РФ выказвалі пагроз на адрас Фінляндыі, калі краіна далучыцца да Альянсу.
Раман Лугоўскі belsat.eu
