Ён атрымаў пасмяротна званне Героя Украіны.
Ва ўкраінскім горадзе Хмяльніцкі з’явяцца вуліца і завулак у гонар ваяра батальёну імя Кастуся Каліноўскага, які загінуў у баях за Украіну.
У межах дэрусіфікацыі вуліца і завулак імя Аляксандра Пушкіна будуць перайменаваныя ў гонар Аляксея Скоблі. Беларускі баец з пазыўным Тур гераічна загінуў у бітвах пад Бучай і Ірпінём, ён коштам свайго жыцця дапамог выратаваць цэлую групу ўкраінскіх вайскоўцаў.
Рашэннем Уладзіміра Зяленскага Туру было нададзенае званне Героя Украіны.
Аляксей Скобля стаўся другім беларусам, якому прысвоілі званне Героя Украіны. Першы быў Міхаіл Жызнеўскі, якога забілі падчас пратэстаў на Майдане ў 2014 годзе.
З 24 лютага ў баях за ўкраінскую незалежнасць ужо загінулі шасцёра беларусаў: Павел Волат, Канстанцін Дзюбайла, Зміцер Рубашэўскі, Зміцер Апанасовіч, Аляксей Скобля ды Ілля Хрэнаў.
Якуб Хруст belsat.eu
