9 атрымалі раненні.
За содні ў Харкаўскай вобласці загінулі чатыры мірныя жыхары, заявіў старшыня Харкаўскай абласной ваеннай адміністрацыі Алег Сінягубаў.
Увечары 7 ліпеня расейцы абстралялі Нямышлянскі раён Харкава – пашкоджаныя жылыя будынкі. Тры чалавекі загінулі, пяцёра атрымалі раненні.
Паводле Сінягубава, расейскія вайскоўцы таксама працягваюць абстрэльваць цывільную інфраструктуру Харкаўскага, Чугуеўскага, Ізюмскага і Багадухаўскага раёнаў вобласці. Зруйнаваныя прыватныя дамы і гаспадарчыя будынкі.
У Чугуеўскім раёне два чалавекі атрымалі раненні, яшчэ двое былі параненыя ў Цыркунах. 71-гадовая жанчына ў Цыркунах у выніку абстрэлаў загінула.
Агулам на Харкаўшчыне цягам содняў у выніку абстрэлаў загінулі чацвёра цывільных, дзевяць – параненыя.
Сінягубаў дадае, што на лініі фронту на Харкаўшчыне працягваюцца баявыя дзеянні. У прыватнасці, расейскія войскі штурмавалі пазіцыі ЗСУ ў кірунку Дзяменцьеўкі, але атака была паспяхова адбітая.
Глеб Нержын belsat.eu
