Смаргонскі суд 8 ліпеня 2022 году аштрафаваў на 640 рублёў мясцовага ксяндза, пробашча парафіі Св.Яна Паўла ІІ Яўгена Учкуроніса.
Смаргонскі суд 8 ліпеня 2022 году аштрафаваў на 20 базавых велічыняў (640 рублёў) мясцовага ксяндза, пробашча парафіі Св.Яна Паўла ІІ Яўгена Учкуроніса, паведамляе «Хрысціянская візія». Святара абвінавацілі ў захоўванні экстрэмісцкіх матэрыялаў.
Першапачаткова ксяндза меліся судзіць і за распаўсюд гэтых самых матэрыялаў, аднак у выніку суд пакінуў толькі захоўванне.
Абвінавачванне грунтавалася на тым, што ксёндз Учкуроніс рабіў рэпосты матэрыялаў на сваю старонку ў Фэйсбуку са старонак беларускіх незалежных медыяў, якія афіцыйная ўлада называе экстрэмісцкімі.
Гэта не першы выпадак, калі ў Беларусі за «экстрэмізм» штрафуюць святара.
Марыя Міхалевіч belsat.eu
