Улады вылічваюць удзельнікаў пратэстаў 2020 году
На «Беларуськаліі» ўлады рыхтуюць чарговую хвалю звальненняў з палітычных матываў. Без працы могуць застацца каля 200 асобаў, піша «Зеркало».
Працаўнікі «Беларуськалію» распавядаюць пра чарговую хвалю звальненняў асобаў, якія ў 2020 годзе бралі ўдзел у пратэсных акцыях. Паводле рабочых, у спісе на звальненне за палітыку каля 200 прозвішчаў. Звольняць галоўным чынам тых, у каго з 1 снежня да 30 траўня заканчваюцца кантракты.
Паведамляецца, што чыноўнікі і сілавікі вылічвалі людзей праз здымкі і відэазапісы. Таксама ў спісах асобаў, якіх звольняць, тыя, хто падпісваўся за альтэрнатыўных кандыдатаў.
Кіраўніцтва прадпрыемства не жадае каментаваць гэтых звестак.
Алена Аляксандрава belsat.eu
