Падпалкоўніку стала кепска на працоўным месцы.
Намеснік начальніка Шчучынскага РАУСу Сяргей Асавік памёр на працоўным месцы, паведамляюць крыніцы «Еўрарадыё».
Падпалкоўніку стала кепска на працы, дактары «хуткай» яго не ўратавалі.
Звесткі пра смерць Асавіка журналістам Zerkalo.io пацвердзілі ў РАУСе. Працаўніца расказала, што пахаванне пройдзе ў чацвер, 30 лістапада, але падрабязнасцяў пра абставіны смерці даваць не стала. «Я не магу вам такой інфармацыі казаць. Паверце, вельмі цяжка», – сказала толькі яна праз тэлефон.
Міліцыянту было 42 гады. «Еўрарадыё» зазначае, што Сяргей Асавік хутка прасунуўся на кар’ернай лесвіцы пасля падзеяў 2020 года. Тады ён здымаў апазіцыйныя мітынгі на камеру і выклікаў АМАП на пратэстоўцаў.
Глеб Нержын belsat.eu
