Гэтыя міліцыянты не раз засвяціліся ў палітычным пераследзе.
BYPOL апублікаваў рапарты датычных да пераследу паводле палітычных матываў Міс Беларусь-2008 Вольгі Хіжынковай.
Рапарты былі складзеныя міліцыянтамі, якія раней ужо засвяціліся ў рэпрэсіях супраць беларусаў. Сярод іх:
Грыцук раней «за сваю стараннасць у пошуку і задушэнні іншадумства атрымаў пасаду начальніка ўпраўлення па супрацьдзеянні кіберзлачыннасці КМ УУС Менгарвыканкаму», зазначае BYPOL. Ён меў дачыненне да пераследу палітзняволенай Вольгі Паўлавай.
Рапарты будуць далучаныя да раней апублікаваных і перададзеныя ў НАУ для далейшага накіравання ў адпаведныя міжнародныя структуры.
Міс Беларусь – 2008 Вольгу Хіжынкову затрымалі ў цэнтры Менску 8 лістапада, калі ў горадзе праходзіў марш пратэсту. 11 лістапада суд Заводскага раёну сталіцы арыштаваў дзяўчыну на 12 содняў за ўдзел у несанкцыянаваным масавым мерапрыемстве. На наступны дзень суд Цэнтральнага раёну Менску прысудзіў ёй яшчэ 15 содняў – за ўдзел у акцыі 11 кастрычніка. 26 лістапада рашэннем суду Хіжынкова ізноў была прызнана вінаватай ва ўдзеле ў несанкцыянаваным мерапрыемстве. Яе судзілі па артыкуле 23.34 КаАП у трэці раз.
Чакалася, што чарговыя 15 содняў будуць адлічвацца з 26 лістапада, а арышт Хіжынковай працягнецца на шэсць содняў даўжэй – і замест 5 снежня яна выйдзе на волю 11 снежня, аднак гэтага не адбылося. Вольгу вызвалілі 20 снежня 2020 года.
Марыя Міхалевіч belsat.eu
