З аніматара ў мінамётчыкі, на паліграфе – былы добраахвотнік палка Каліноўскага Аляксандр Наўковіч (Лахвіч).
,,«У мяне вельмі шмат сяброў ва Украіне, і ў мяне шмат пабрацімаў-украінцаў. Я бачу, як ім складана. Ёсць людзі, якія не маюць адпачынкаў шэсць, дзевяць месяцаў. У нас усё прасцей, у беларусаў. Там праз паўтара-два месяцы ты на тыдзень з’язджаеш, адпачываеш, а людзі жывуць у акопах. І цяпер я выгарэў, але я хачу вярнуцца, каб проста кагосьці адпусціць у адпачынак».
,,«У стралковым баі я не ўдзельнічаў, каб я бачыў ворага і застрэліў, і ён на маіх вачах падох. А ў мінамётным разліку карэктавальнікі, дроншчыкі нам казалі: так, цэль знішчаная, новыя каардынаты – і, ну, значыць, забівалі. Але забівалі разлікам. І былі такія дні, калі – як гэта? Такія паўнавартасныя, калі нам казалі: так, ну сотня, а то і болей на вашым рахунку. То калі сотня, то на чатырох чалавек дзеліцца – там дваццаць пяць свінасабак».
