навіны

Упаўнаважаны па справах рэлігіяў пагражаў Беларускай праваслаўнай царкве забаронай дзейнасці

Кафедральны сабо Святога Духа ў Менску. (Фота: Placesgold / Facebook)
Кафедральны сабо Святога Духа ў Менску. (Фота: Placesgold / Facebook)
podpis źródła zdjęcia

Адпаведнае папярэджанне ў лістападзе 2020 года атрымаў мітрапаліт Веніямін.

«Хрысціянская візія» атрымала зварот, накіраваны мітрапалітам Веніямінам яшчэ ў 2020 годзе да цяпер ужо спачылага архіепіскапа Гарадзенскага і Ваўкавыскага Арцемія (Кішчанкі). З дакументу вынікае, што ўлады пагражалі пазбавіць Беларускую праваслаўную царкву рэгістрацыі ў выпадку невыканання заканадаўства.
Кафедральны сабо Святога Духа ў Менску. (Фота: Placesgold / Facebook)
Кафедральны сабо Святога Духа ў Менску. (Фота: Placesgold / Facebook)
Зварот мітрапаліта датаваны 17 снежня 2020 года. У ім гаворыцца, што 27 лістапада 2020 года ўпаўнаважаны па справах рэлігіяў і нацыянальнасцяў Рэспублікі Беларусь вынес папярэджанне ў адрас Беларускай праваслаўнай царквы, у якім патрабаваў выконваць арт.8 закону РБ «Аб свабодзе сумлення і рэлігійных арганізацыяў». У выпадку паўторных парушэнняў цягам года ўпаўнаважаны пагражаў БПЦ пазбаўленнем юрыдычнага статусу і забаронай дзейнасці паводле арт.37 таго ж закону.


,,

«Вам, як кіраўніку гарадзенскай епархіі Беларускай праваслаўнай царквы, трэба забяспечыць на яе тэрыторыі выкананне ўказаных вышэй патрабаванняў заканадаўства Рэспублікі Беларусь, а таксама рашэнняў і пазіцыяў сіноду Беларускай праваслаўнай царквы», – загадваў мітрапаліт Веніямін архіепіскапу Арцемію.


Кафедральны сабо Святога Духа ў Менску. (Фота: Placesgold / Facebook)
Кафедральны сабо Святога Духа ў Менску. (Фота: Placesgold / Facebook)
«Хрысціянская візія» лічыць, што папярэджанне ўпаўнаважанага па справах рэлігіяў было рэакцыяй рэжыму Лукашэнкі на публічную пазіцыю архіепіскапа Арцемія падчас палітычнага крызісу 2020 года. Пра гэта сведчыць, што мітрапаліт асабіста праінфармаваў аб папярэджанні архіепіскапа і загадаў выконваць заканадаўства.
Архіепіскап Арцемій у жніўні 2020 года асудзіў жорсткасць сілавікоў і падтрымаў мірныя акцыі пратэсту, выступіў супраць спробаў рэжыму выкарыстоўваць БПЦ у сваіх інтарэсах. У чэрвені 2021 кіраўніка гарадзенскай епархіі адправілі ў адстаўку. У красавіку 2023 года архіепіскап памёр.
Марыя Міхалевіч belsat.eu

больш па гэтай тэме

Глядзіце больш
Item 1 of 4

апошнія

Item 1 of 10