Гэта не першы падобны выпадак.
Міністэрства фінансаў не змагло размясціць пад працэнты свабодныя 200 мільёнаў бюджэтных рублёў. Пра гэта паведамілі ў Беларускай валютна-фондавай біржы.
Мінфін планаваў размясціць сродкі на 77 дзён пад безадзыўны ўклад са стартавай стаўкай 9,5 % гадавых. Мінімальны лот дэпазіту складаў 5 мільёнаў рублёў.
Да аўкцыёну былі дапушчаныя дзевяць банкаў, якія маглі б узяць пад працэнты гэтыя сродкі. Але ў выніку аўкцыён прызналі несапраўдным, бо была пададзена толькі адна заяўка.
Гэта не першы падобны выпадак. Напрыклад, улетку 2023 года прайшлі ажно тры аўкцыёны, падчас якіх планавалася размясціць на дэпазітах банкаў 400 мільёнаў рублёў. Але іх прызналі несапраўднымі, бо не было заявак з боку камерцыйных банкаў.
За мінулы год фізічныя асобы купілі валюты на $ 9,8 млрд, а прадалі – на $ 10,1 млрд. Розніца – $ 292 млн, падлічыў Нацбанк. Трэці год беларусы здаюць болей, чымся набываюць. «Белсат» спытаў у эканаміста Дзмітрыя Крука, чаму так адбываецца.
Якуб Хруст belsat.eu
