Для кліентаў маркетплэйсу гэта азначае, што шмат якія папулярныя тавары могуць патаннець, а замовіць іх будзе прасцей.
«Wildberries» пашырае геаграфію паставак. Цяпер на гандлёвай пляцоўцы зʼявілася крама з Кітаю, паведамляе «New-retail».
Пакуль у сэлера «Shenzhen Yibai» у асартыменце толькі 215 тавараў для дому і рамонту, а таксама аздобы для аўтамабіляў.
Маркетплэйс ужо даўно прамацваў рынак КНР. Заснавальніца гандлёвай пляцоўкі раней заяўляла, што кітайскія прадукты будуць даступныя пакупнікам усіх краінаў, дзе прысутнічае пляцоўка, у тым ліку і ў Беларусі.
Для кліентаў маркетплэйсу гэта азначае, што шмат якія папулярныя тавары могуць патаннець, а замовіць іх будзе прасцей.
Кампанія ўжо зарэгістравала таварны знак у Кітаі, і зусім хутка асартымент маркетплэйсу можа пашырыцца ў разы.
Ася Саковіч, belsat.eu
