Беларус знаходзіцца пад арыштам.
У Беластоку затрымалі 20-гадовага грамадзяніна Беларусі, які знаходзіўся ў міжнародным вышуку. Беларус адшукваўся па чырвонай картцы Інтэрполу на запыт Беларусі, паведамляе польская паліцыя.
Як паведамляе паліцыя Беластоку, маладога чалавека шукалі за ўзлом банкаўскага рахунку і крадзеж сродкаў, а таксама за гандаль забароненымі псіхатропнымі і наркатычнымі рэчывамі па падробленых рэцэптах. Цяпер беларус знаходзіцца пад арыштам.
У 2023 годзе беларуса, які пастаянна пражывае ў Польшчы, затрымалі па запыце беларускіх уладаў у Італіі, але не сталі экстрадаваць яго ў Беларусь.
Ася Саковіч belsat.eu
