Што гэта быў за выбух, пакуль невядома
16 лютага каля 13-й гадзіны паводле мясцовага часу жыхары расейскага Растову-на-Доне пачулі гукі магутнага выбуху. Моцны грук пачулі не толькі ў розных раёнах гораду, але і ў іншых гарадах вобласці: Азове, Батайску, Аксаі і нават у Шахтах, піша растоўскі партал 1rnd.ru.
«Быў адзіночны вуркатлівы гул, ад якога ў доме затрэслася шкло», – распавяла адна з чытачак выдання.
Жыхары Растову паведамлялі таксама, што ва ўсім горадзе спрацавала ахоўная сігналізацыя аўтамабіляў.
Кіраўнік прэс-службы губернатара Растоўскай вобласці Ірына Чацвертакова паведаміла журналістам, што супрацьпаветраная абарона (СПА) над горадам у гэты час не працавала. Вайскоўцы сцвярджаюць тое самае. Што гэта быў за выбух, пакуль невядома.
Зміцер Міраш belsat.eu
