Нейрасеткі развіваюцца вельмі хутка.
16 лютага ў рамках Мюнхенскай канферэнцыі бяспекі лідарка дэмакратычных сілаў Беларусі правяла шэраг сустрэч з рознымі палітыкамі і прадстаўнікамі бізнесу, паведамляе «Motolko.help».
Сярод іншага, Святлана Ціханоўская сустрэлася і з віцэ-прэзідэнткай у глабальных пытаннях кампаніі «OpenAI» – Аннай Маканджу. Менавіта кампанія «OpenAI» распрацавала найвядомейшы інструмент штучнага інтэлекту «ChatGPT».
Нейрасеткі развіваюцца вельмі хутка. Так, у студзені 2023 года «Белсат» пытаў у «ChatGPT», ці валодае праграма беларускай мовай, а тая адказвала хіба на кепскай трасянцы. А ўжо ў красавіку-2023 нейрасетка ў «ChatGPT» даволі ўпэўнена, хай і не без некаторых памылак, адказвала па-беларуску.
Якуб Хруст belsat.eu
