Агляд рэпрэсіяў за 18 лютага.
Агляд рэпрэсіяў за 18 лютага.
У пачатку лютага ў Рагачове быў затрыманы святар Ігар Кавальчук – у яго тэлефоне знайшлі падпіскі на «няправільныя» рэсурсы, піша «Хрысціянская візія». Былы настаяцель прыхода храму Успення Прасвятой Багародзіцы аграгарадка Гарадзец напярэдадні вярнуўся з Італіі.
На айца Ігара быў складзены пратакол па артыкуле 19.11 КаАП РБ. Святара арыштавалі на 15 содняў.
Гэта не першае затрыманне святара ў Беларусі. За апошнія тры з паловай гады па палітычных матывах адбывалі пакаранне дзясяткі святароў розных канфесіяў. Многія з іх пакінулі краіну. А некаторыя, як, напрыклад, ксяндзы Вячаслаў Барок і Андрэй Вашчук, знаходзяцца ў базе вышуку расейскага МУС.
За ўдзел у пратэстах затрымалі берасцейца. Відэа з затрыманнем з’явілася ў тэлеграм-канале сілавікоў. Затрыманы хлопец быў дома атрадам спецыяльнага прызначэння «Шторм».
На відэа хлопец кажа, што яго затрымалі за ўдзел у несанкцыянаваных мітынгах. Ён таксама распавёў, што ў час пратэстаў знаходзіўся на праспекце Машэрава, дзе «мітынгоўцы кідалі камяні і палкі».
Па інфармацыі «Медыязоны», хлопца завуць Андрэй Салапура.
Але ёсць і добрыя навіны.
За апошнія тры тыдні з Беларусі эвакуяваныя больш за 35 чалавек, распавёў кіраўнік фонду «Байсол» Андрэй Стрыжак.
Паводле яго словаў, ва «умоўна спакойны час» цягам трох тыдняў з краіны звычайна даводзіцца вывозіць 10-15 беларусаў. Але ў сувязі з апошнім рэйдам сілавікоў па былых палітвязнях і сваяках тых, хто сядзіць у лукашэнкаўскай турме, сітуацыя змянілася.
Ася Саковіч belsat.eu
