Ад яго няма звестак ужо больш за год.
Жонка палітвязня Марына Адамовіч на сваёй старонцы ў Фэйсбуку напісала, што з калоніі чарговы раз вярнулі рэчавую перадачу і медычную бандэроль.
Мікола Статкевіч, асуджаны на 14 гадоў калоніі, ён за кратамі амаль чатыры гады. Але цягам года палітзняволенага і ягоных сваякоў катуюць інкамунікада – поўным пазбаўленнем любых кантактаў, не толькі праз спатканні і тэлефонныя званкі, але і праз ліставанне.
9 лютага 2023 года Марына Адамовіч атрымала ад мужа апошні на гэты момант ліст – з таго часу ад яго няма ніякіх вестак. У другой палове лістапада сваякі Міколы праз другія рукі атрымалі інфармацыю, што яго ўвесь час трымаюць то ў адзіночным памяшканні камернага тыпу, то ў камеры штрафнога ізалятару.
Напрыканцы студзеня 2024 года Марыну таксама затрымалі і арыштавалі на 15 содняў. Яе асудзілі за «дробнае хуліганства».
Ася Саковіч belsat.eu
