навіны

Экспарт упаў у два разы: што Польшча ўсё яшчэ купляе ў Беларусі

Здымак мае ілюстрацыйны характар. (Фота: Freepik)
Здымак мае ілюстрацыйны характар. (Фота: Freepik)
podpis źródła zdjęcia

Цяпер дзейнічае забарона ЕЗ на пастаўкі беларускай драўніны, вырабаў з яе, сталі і іншай прадукцыі.

Інфармацыю аб знешнім гандлі за 2023 год апублікавала Галоўнае статыстычнае ўпраўленне Польшчы. Па дадзеных польскага статведамства, імпарт тавараў з Беларусі па выніках 2023 года склаў 455,5 млн еўра. Для параўнання: у 2022 годзе ўвоз тавараў у Польшчу з нашай краіны быў на ўзроўні 1041,8 млн еўра, піша Myfin.by.
Здымак мае ілюстрацыйны характар. (Фота: Freepik)
Здымак мае ілюстрацыйны характар. (Фота: Freepik)
У многім скарачэнне імпарту абумоўлена санкцыямі, уведзенымі Еўрапейскім звязам. Нагадаем, у 2022 годзе ЕЗ увёў забарону на пастаўкі з РБ у Еўразвяз драўніны і вырабаў з яе, чыгуну і сталі, гумавых вырабаў і іншых пазіцый.
У студзені – снежні 2023 года найбольшы аб’ём імпарту ў Польшчу з Беларусі (у вартасным выражэнні) быў адзначаны па наступных таварных раздзелах:
Імпарт па раздзеле «Гатовыя харчовыя прадукты; алкагольныя і безалкагольныя напоі і воцат; тытунь і яго заменнікі» склаў 41,2 млн еўра і павялічыўся ў адносінах да 2022 года на 20,6 млн еўра.
Увоз з Беларусі тэкстыльных матэрыялаў і вырабаў скараціўся з 22,6 млн еўра ў 2022 годзе да 20 млн еўра ў 2023 годзе, прадуктаў расліннага паходжання – з 23,7 млн еўра да 19,7 млн еўра, мінеральных прадуктаў – з 44,9 млн еўра да 16,8 млн еўра.
Прыкметна асеў імпарт некаштоўных металаў і вырабаў з іх. Па выніках 2023 года ён склаў 12,6 млн еўра, а ў 2022 годзе быў на ўзроўні 118,3 млн еўра.
Акрамя таго, сышоў у мінус і яшчэ адзін таварны раздзел – «Тлушчы і масла жывёльнага ці расліннага паходжання і прадукты іх расшчаплення; гатовыя харчовыя тлушчы». Імпарт у 2022 годзе складаў 127,1 млн еўра, у 2023 годзе – толькі 14,9 млн еўра.
Ася Саковіч belsat.eu

больш па гэтай тэме

Глядзіце больш
Item 1 of 4

апошнія

Item 1 of 10