Быў выяўлены шэраг блогераў, якія не заплацілі падаткі.
Беларускія падаткавікі напрыканцы 2023 года ўзяліся за блогераў. Пра гэта падчас прэс-канферэнцыі 29 лютага распавёў начальнік галоўнага ўпраўлення падаткаабкладання фізічных асобаў Міністэрства падаткаў і збораў Андрэй Кавалеўскі.
Чыноўнік адзначыў, што ў 2023 годзе ў беларускім заканадаўстве адбыліся пэўныя змены – у тым ліку датычна блогераў.
,,«Падатковыя органы размяшчаюць вялікай колькасцю інфармацыі і паралельна з расейскімі калегамі разглядалі блогераў», – сказаў Андрэй Кавалеўскі.
У выніку, паводле яго, быў выяўлены шэраг блогераў, якія не заплацілі падаткі. Гэтак, некаторыя блогеры былі зарэгістраваныя як ІП і давалі справаздачу за рэкламную дзейнасць і вытворчасць відэакантэнту, але пры гэтым хавалі частку прыбытку. У канцы 2023-га – пачатку 2024 года падатковыя органы іх выявілі, і «сумы нявыплачаных падаткаў даходзілі да сотняў тысяч рублёў».
Як адзначылі ва Упраўленні аператыўных мерапрыемстваў інспекцыі Міністэрства па падатках і зборах ў Менску, адзін блогер, зарэгістраваны ў якасці ІП, проста «забыўся пра свае даходы ў РФ», у выніку чаго яго абавязалі даплаціць каля 200 000 рублёў падатку. Іншы блогер, які ажыццяўляе сваю дзейнасць у якасці фізічнай асобы, «забыўся» падаць дэкларацыю аб даходах, і заплаціў разам з пені 53 000 рублёў падатку.
Нагадаем, што расейскія судовыя прыставы з-за штрафаў і нясплачаных даўгоў падатковай службе шукаюць блогера Улада Бумагу, які паходзіць з Беларусі.
Якуб Хруст belsat.eu
