Заяву Лойда Остына ўжо пракаментавала прэс-сакратарка МЗС Расеі Марыя Захарава.
Кіраўнік Пэнтагону Лойд Остын лічыць, што параза Украіны можа прывесці да пачатку вайны паміж Расеяй і NATO. Пра гэта ён заявіў 29 лютага на слуханнях у камітэце Палаты прадстаўнікоў ЗША ў справах збройных сілаў.
Паводле Лойда Остына, калі Расея атрымае перамогу, «Пуцін не спыніцца». У прыватнасці, краіны Балтыі занепакоеныя, што могуць стаць наступнымі.
,,«Шчыра кажучы, я лічу, калі Украіна падзе, NATO будзе ваяваць з Расеяй», – сказаў кіраўнік Пэнтагону.
Заяву Остына ўжо пракаментавала прэс-сакратарка МЗС Расеі Марыя Захарава.
,,«Гэта прамая пагроза Расіі або спроба прыдумаць адгаворку для Зяленскага? І тое, і іншае шаленства», – напісала яна ў сваім Telegram-канале.
Пры гэтым Захарава заявіла, што з заявы кіраўніка Пэнтагону пра тое, што Расея можа напасці на іншыя краіны, «зараз усё бачаць, хто агрэсар – гэта Вашынгтон».
Прэзідэнт Расеі Уладзімір Пуцін 29 лютага падчас паслання Федэральнаму сходу сказаў, што ў гэтай «аперацыі» ва Украіне Расея пераможа. А калі Захад накіруе ва Украіну свае кантынгенты, то «мы памятаем лёс тых, хто накіроўваў калісьці свае кантынгенты на тэрыторыю нашай краіны», а РФ можа паражаць мэты на іх тэрыторыі. Але пры гэтым Захад, а не Расея, палохае ўсіх ядравай вайной і знішчэннем цывілізацыі.
Якуб Хруст belsat.eu
