Ён выступаў з заклікам вызваліць палітвязняў і правесці сумленныя выбары.
Дзмітрыю Малашчыцкаму было 45 гадоў. Пра ягоную смерць паведаміла ў сацсетках акторка і спявачка Анастасія Шпакоўская.
Малашчыцкі з сярэдзіны нулявых зняўся ў дзясятках расейскіх, украінскіх і беларускіх фільмах і серыялах. Сярод іх – «Сваты», «Мухтар. Новы след», «Мужчыны не плачуць» і іншыя вядомыя праекты.
У 2020 годзе ён прыняў удзел у запісу відэазвароту прадстаўнікоў творчых прафесіяў з патрабаваннем вызваліць беларускіх палітвязняў.
,,«Я беларус і жыву ў Беларусі. У маёй краіне адбываецца бязмежжа яшчэ большае, чым за апошнія 26 гадоў. Яно мне надакучыла. Я патрабую сумленных выбараў. Я патрабую вызваліць палітвязняў», – казаў Малашчыцкі ў тым роліку.
Пра прычыны смерці нічога не паведамляецца.
Глеб Нержын belsat.eu .eu
