Агулам 12 сакавіка былі атакаваныя восем расейскіх рэгіёнаў.
Расейскі Белгарад 12 сакавіка быў атакаваны беспілотнікамі. Мясцовыя ўлады паведамляюць, што ёсць пацярпелыя.
Губернатар Белгародскай вобласці Вячаслаў Гладкоў паведаміў, што адзін БПЛА ўрэзаўся ў будынак адміністрацыі гораду. Выбіты вокны, пашкоджаны фасад.
Две жанчыны, супрацоўніцы мэрыі, былі шпіталізаваныя: яны атрымалі аскепкавыя раненні. Адна з пацярпелых знаходзіцца ў цяжкім стане.
Мэр Белгараду Валянцін Дэмідаў пазней удакладніў, што яшчэ двум пацярпелым была аказана медычная дапамога на месцы.
Гладкоў паведамляе пра яшчэ як мінімум два «прылёты» ў Белгарадзе: у дах гандлёвага цэнтру і сцяну крамы. Пацярпелых там не было. Але пашкоджаны аўтамабілі і фасады, выбіты вокны.
Акрамя таго, улады вобласці паведамляюць, што быў абстраляны горад Шабекіна, а таксама паселішчы Белгародскага раёну.
У сяле Галовіна ў выніку «прылёту» снарадаў два чалавекі атрымалі раненні.
Нагадаем, у ноч на аўторак, восем расейскіх рэгіёнаў былі атакаваныя беспілотнікамі: Курская, Белгародская, Ніжагародская, Маскоўская, Арлоўская, Ленінградская, Бранская і Тульская вобласці.
У выніку ў Арлоўскай вобласці загарэлася нафтасховішча, а ў Ніжагародскай – нафтаперапрацоўчы завод.
У ГУР Мінабароны Украіны заявілі, што з абʼектамі, якія выкарыстоўваюцца ў вайсковых мэтах, адпаведныя інцыдэнты могуць здарацца, аднак ведамства традыцыйна не можа каментаваць, хто і чым наносіў удары. «Але гэтая праца будзе працягнутая», – заявіў прадстаўнік ГУР Андрэй Юсаў.
Глеб Нержын belsat.eu
