Падлетку цяпер пагражае крымінальны пераслед.
У Міністэрстве ўнутраных справаў паведамілі пра затрыманне школьніка, якога вінавацяць у спыненні грузавога цягніка. Падлетку цяпер пагражае крымінальны пераслед.
Паводле МУС, днямі невядомы паміж прыпыначнымі пунктамі «Жодзіна – Паўднёвае» і «Барсукі» скінуў аўтамабільную пакрышку на рэйкі, па якіх рухаўся таварны цягнік. У выніку праз раз’яднанне тармазных рукавоў паміж вагонамі састаў спыніўся.
За спыненне цягніка сілавікі затрымалі 14-гадовага жыхара Жодзіна, вучня восьмага класа. Пачатая крымінальная справа за хуліганства.
Генпракуратура падрыхтавала праект закона, згодна з якім будзе ўведзеная адміністрацыйная адказнасць для бацькоў, дзеці якіх здзейснілі правапарушэнне, пацярпелі або загінулі. Калі практыка сябе «апраўдае», то далей плануюць увесці і крымінальную адказнасць.
Якуб Хруст belsat.eu
