Замежнікі, якія спрабуюць прайсці з Беларусі ў Польшчу, актывізаваліся апошнімі тыднямі.
Апошнія некалькі тыдняў расце колькасць спробаў замежнікаў незаконна мінуць польска-беларускую мяжу. З пачатку года зафіксавалі больш за 4,5 тысячы такіх выпадкаў, паведамляе Памежная аховы Польшчы.
Шмат якім мігрантам, якія трапілі на тэрыторыю Польшчы, давялося надаваць медычную дапамогу. Ратавальнікі былі выкліканыя больш як трыццаць разоў, бо людзі былі ў тым ліку з пераахаладжэннем.
Памежная служба Польшчы паведамляе пра мігрантаў з Эфіопіі, Самалі, Сірыі і Пакістану.
«У пачатку красавіка супрацоўнікі памежнай заставы ў Белавежы атрымалі інфармацыю пра групу замежнікаў, якія застаюцца ў запаведніку Белавежскага нацыянальнага парку. У раён выправілася пошукава-ратавальная група памежнай службы. Супрацоўнікі выявілі на месцы пяцярых грамадзянаў Эфіопіі (тры жанчыны і два мужчыны). Стан жанчын паказваў на тое, што ім патрабуецца медычная дапамога. Праз цяжкадаступнае месца службоўцы выклікалі вайсковых ратавальнікаў, якія транспартавалі замежніц і перадалі іх брыгадзе хуткай дапамогі. Абедзвюх жанчын даставілі ў шпіталь», – піша прэс-служба Памежнай аховы.
Таксама медычная дапамога была патрэбная польскім памежнікам і жаўнерам ля мяжы.
«Гэта было выклікана паводзінамі замежнікаў, якія спрабавалі перасячы тэхнічны бар’ер, якія кідалі ў бок польскіх службаў камяні, галіны і падпаленыя галіны. Супраць з супрацоўнікаў быў ужыты газ, пашкоджаныя некалькі службовых аўтамабіляў», – адзначаюць Памежнай ахове.
За 2023 год польскія памежнікі налічылі больш за 25,7 тысячы спробаў незаконна мінуць мяжу. Іх здзяйснялі мігранты з 53 краінаў свету.
Арсен Рудэнка belsat.eu
