Ёй пагражае да 5 гадоў зняволення, сцвярджаюць спецслужбы.
Падкантрольныя спецслужбам Telegram-каналы паведамілі пра чарговае затрыманне за ўдзел у масавых пратэстах 2020 года.
Паводле звестак «Медиазоны», у сацсетках дзяўчына падпісаная як Наташа Салук.
На «пакаянным» відэа, што выклалі сілавікі, затрыманая кажа, што ў жніўні – верасні 2020 года яна наведвала несанкцыянаваныя масавыя мерапрыемствы, «у тым ліку выходзіла на праезную частку, перашкаджала праезду службовага транспарту ДАІ».
Паводле падкантрольнага сілавікам Telegram-каналу, супраць яе распачатая крымінальная справа, ёй пагражае да 5 гадоў зняволення.
Глеб Нержын belsat.eu
