На працягу сакавіка 2024 года ў Расеі было прададзена 2732 новыя аўтамабілі «Белджы».
Беларуска-кітайская марка аўтамабіляў «Белджы» ўпершыню ўвайшоў у першую дзясятку аўтамабільных брэндаў на рынку РФ. Пра гэта паведамляе расейскае агенцтва «Автостат».
На працягу сакавіка 2024 года ў Расеі было прададзена 2732 новыя аўтамабілі «Белджы». У выніку беларуска-кітайскі брэнд заняў у пачатку вясны дзявятае месца, апярэдзіўшы ў дзясятцы лідараў «Jetour».
Вышэй за «Белджы» размясціліся «LADA», «Haval», «Geely», «Chery», «Changan», «EXEED», «OMODA» і «Lixiang». Апроч «Белджы» і «LADA», у топ трапілі толькі кітайскія аўтамабілі.
Брэнд «Белджы» пакуль прадстаўлены на расейскім рынку адной мадэллю – красовэрам X50, створаным на падставе «Geely Coolray». Мадэль выпускаецца ў Беларусі з ліпеня 2023 года, а ў Расеі прадаецца з верасня.
Рост продажу кітайскіх і беларуска-кітайскіх аўтамабіляў на расейскім рынку стаў следствам сыходу з РФ заходніх і японскіх брэндаў, да чаго ў сваю чаргу спрычынілася агрэсія Расеі супраць Украіны.
Якуб Хруст belsat.eu
