Выкрыць яго дапамаглі бацькі пацярпелага.
Менская міліцыя паведаміла аб затрыманні 22-гадовага падазраванага ў злачынстве супраць сексуальнай недатыкальнасці непаўналетняга. Выкрыць яго дапамаглі бацькі пацярпелага.
Па версіі міліцыі, 22-гадовы мянчук пазнаёміўся з 11-гадовым школьнікам, які пражываў у яго пад’ездзе. Ён спакусіў новага знаёмага і на працягу некалькіх месяцаў «здзяйсняў у дачыненні да яго дзеянні сексуальнага характару». Ён перадаў школьніку сваю банкаўскую карту і дазволіў ёю расплачвацца.
Бацькі хлопчыка звярнулі ўвагу на дарагія пакупкі сына, а таксама на банкаўскую карту, высветлілі яе паходжанне і звярнуліся ў міліцыю.
«Узбуджаная крымінальная справа за дзеянні сексуальнага характару ў дачыненні да малалетняга. Правяраецца дачыненне фігуранта да аналагічных злачынстваў», – заявілі ў ГУУС Менгарвыканкаму.
Ася Саковіч belsat.eu
