Інцыдэнт адбыўся ўночы з 18 на 19 красавіка.
У ноч з 18 на 19 красавіка ў памежнай зоне на мяжы з Беларуссю адбыўся інцыдэнт, у выніку якога быў паранены жаўнер Збройных сілаў Польшчы. Пра гэта паведамілі ў Галоўным камандаванні ЗС.
Як адзначаецца, пешы патруль, які выконваў задачы ў складзе вайскова-аператыўнай групы «Падляшша», закідалі камянямі мігранты з Беларусі.
Міністарка ўнутраных справаў Літвы Агне Білатайце заявіла пра павелічэнне плыні мігрантаў, якія робяць агрэсіўныя спробы перасекчы беларуска-польскую мяжу. Паводле яе, гэта атака, якую арганізаваў беларускі рэжым.
Са словаў міністаркі, апошнім часам на літоўска-беларускай мяжы назіраліся толькі адзінкавыя выпадкі незаконнага пераходу мяжы.
Якуб Хруст belsat.eu
