Агулам былі разарваныя больш за 50 дамоваў з нашай краінай.
Пра дэнансаванне Пагаднення аб узаемным забеспячэнні захавання міждзяржаўных сакрэтаў 14 траўня паведаміў прадстаўнік ураду ў Вярхоўнай Радзе Украіны Тарас Мэльнычук.
Пагадненне было заключанае 22 студзеня 1993 года ў Менску.
Гэта не першая дамова з Беларуссю, якую Украіна разарвала з моманту поўнамаштабнага ўварвання Расеі, што адбывалася ў тым ліку з тэрыторыі нашай краіны пры падтрыманні рэжыму Лукашэнкі. Агулам былі дэнансаваныя больш за 50 розных пагадненняў.
Так, 30 красавіка 2024 года Украіна выйшла з дамовы супрацы ў галіне аховы здароўя. Яшчэ раней – з пагаднення наконт узаемнага прызнання і эквівалентнасці дакументаў аб адукацыі і навуковых званнях; наконт паветраных зносінаў, наконт свабоднага гандлю, наконт паслугаў дзеля абароны і бяспекі, наконт пазбягання двайнога падаткаабкладання, наконт супрацы ў сферы навукі і тэхналогіяў; наконт сацыяльнай абароны працоўных мігрантаў і інш.
Марыя Міхалевіч belsat.eu
