Канцэрт адбудзецца 2 лістапада ў клубе «Stodola».
2 лістапада на адной з галоўных пляцовак Варшавы – у клубе «Stodola» – адбудзецца вялікі святочны канцэрт «J:МОРС», прымеркаваны да 25-годдзя гурта.
«Юбілей “J:МОРС” адсвяткуем у добрым настроі. Гэта будзе адзіны вялікі электрычны канцэрт у гэтым годзе. Абавязкова будуць найлепшыя песні, новыя песні, цікавыя госці і прыемныя неспадзяванкі. Сардэчна запрашаю на нашае свята!» – паведамляе Уладзімір Пугач.
Гурт «J:МОРС» быў заснаваны ў канцы 1999 года сябрамі і студэнтамі ЕГУ Уладзімірам Пугачам і Арцёмам Лядоўскім. Сур’ёзны поспех да калектыву прыйшоў увесну 2003-га з песняй «Web-дизайн». Пасля гэтага было шмат хітоў, альбомаў, прэміяў, канцэртаў, тураў. А таксама незабыўных акцыяў: ад канцэрту ў аблоках да выступу на плошчы Пераменаў.
У 2020 годзе легендарны гурт падтрымаў пратэсты, таму музыкі былі вымушаныя з’ехаць за мяжу. Трыгерам быў пачатак вайны ва Украіне. Не так даўно Уладзімір Пугач стварыў выдавецтва аўдыякніг «Litaralna» разам з польскім фондам «Życie». 18 красавіка Уладзімір адзначыў сваё 48-годдзе.
Цяпер калектыў базуецца ў Варшаве і працягвае сваю актыўную дзейнасць.
Дата: 2 лістапада 2024 года
Час: 19:00 дзверы, 20:00 пачатак
Месца: Варшава, клуб «Stodola»
Першая партыя квіткоў – 99 злотых. Набыць можна на сайце.
Ася Саковіч belsat.eu
