Гэтая сітуацыя можа прывесці да павышэння праінфляцыйнага ціску.
Аналітыкі Еўразійскага банку развіцця ў сваім штотыднёвым макрааглядзе адзначылі паскарэнне росту крэдытавання ў Беларусі.
Так, крэдытны партфель беларускіх банкаў павялічыўся на 2,5 % месяц да месяца ў красавіку пасля 0,7 % росту ў сакавіку.
Асабліва прыкметна, адзначаюць аналітыкі ЕАБР, паскорыўся рост крэдытавання юрыдычных асобаў: у сакавіку ён быў роўны 0,2 % месяц да месяца, а ў красавіку ўжо 2,5 %.
Крэдыты фізічных асобаў выраслі на 2,4 % месяц да месяца ў красавіку пасля 1,9 % у сакавіку, у тым ліку для спажывецкіх крэдытаў на 3,6 % месяц да месяца пасля 2,9 % адпаведна.
Як падкрэслілі аналітыкі ЕАБР, паскарэнне росту крэдытавання фармуе ўмовы для далейшага росту ўнутранага попыту і павышэння праінфляцыйнага ціску.
Нацбанк, у сваю чаргу, таксама папярэджваў пра рызыкі развіцця інфляцыі і дэвальвацыі ў беларускай эканоміцы ў сувязі з тым, што насельніцтва і бізнес актыўна бяруць крэдыты.
Раман Шавель belsat.eu
