Таксама трэба даваць інфармацыю пра навучанне і працу за мяжой сваякоў.
Працаўнікі бюджэтных арганізацыяў мусяць даваць кіраўніцтву інфармацыю пра сваю вучобу ці працу за мяжой, а таксама пра вучобу і працу ў замежных краінах сваіх сваякоў, піша Reform.by са спасылкай на чытача, які даслаў інфармацыю ў рэдакцыю.
,,«Начальства збірае інфармацыю наконт працаўнікоў нашай арганізацыі, якія вучыліся або вучацца за мяжой», – распавёў чытач.
Кіраўніцтву трэба паведаміць час і месца навучання.
Дакладнай галіны дзейнасці чалавека, які падзяліўся інфармацыяй, а таксама рэгіёну Беларусі, дзе гэта адбываецца, не называюць з меркаванняў бяспекі.
Таксама трэба расказаць пра сваякоў, якія вучацца/вучыліся, працуюць/працавалі ці жывуць за мяжой з указаннем месца і перыяду. Чытач адзначае, што інфармацыю патрабуюць не толькі пра блізкіх, але і пра стрыечных сваякоў.
З якой мэтай кіраўніцтва бюджэтнай арганізацыі збірае такія звесткі, не паведамляецца.
Марыя Міхалевіч belsat.eu
