У красавіку для палка быў арганізаваны збор на 100 беспілотнікаў.
Полк імя Кастуся Каліноўскага абвясціў збор сродкаў на выведвальны комплекс беспілотнікаў АСУ-1 «Валькірыя». Ён прызначаны для падраздзялення БПЛА імя Мікіты Крыўцова.
«Наша група мае вострую патрэбу ў выведвальным комплексе БПЛА АСУ-1 «Валькірыя». Гэты высокамабільны комплекс мае магчымасць быць разгорнутым за 15 хвілін у палявых умовах, дазваляе весці выведку ўглыб варожай тэрыторыі да 40 км, а таксама перадае відэа ў рэальным часе», – гаворыцца ў паведамленні палка.
Комплекс выкарыстоўваецца для забеспячэння маніторынгу, паветранай выведкі, відэаназірання і карэктавання артылерыйскага агню ў дзень і ўночы. Каштуе ён 24 тысячы долараў.
Дапамагчы можна па наступных рэквізітах:
У красавіку для Палка імя Кастуся Каліноўскага быў арганізаваны збор на 100 беспілотнікаў.
«Дзякуючы папярэдняму збору група закрыла патрэбу ў FPV-дронах і неабходным тэхнічным абсталявання. Цяпер мы ўпэўнена паражаем цэлі на 15 км ад лініі баявога сутыкнення. Але ж можна лепш і больш. Пытанне эфектыўнага выяўлення ворага ўсё яшчэ не закрыта», – адзначылі ў палку.
Сваё падраздзяленне беспілотнікаў каліноўцы назвалі ў гонар пратэстоўцы Мікіты Крыўцова, які загінуў у жніўні 2020 года.
Якуб Хруст belsat.eu
