навіны

СТБ пакажа чэмпіянат Еўропы па футболе. Гэтага не планавалася ў Беларусі

УЕФА. (Фота: uefa.com)
УЕФА. (Фота: uefa.com)
podpis źródła zdjęcia

Трансляцыі павінны пачацца ўжо 14 чэрвеня.

Канал СТБ паведамляе, што стаў афіцыйным партнёрам УЕФА па трансляцыі чэмпіянату Еўропы на футболе. Паказы пачнуцца з пачатку чэмпіянату, то бок з 14 чэрвеня сумесна з каналам «РТР – Беларусь».
УЕФА. (Фота: uefa.com)
УЕФА. (Фота: uefa.com)
Трансляцыя матча-адкрыцця плануецца на 14 чэрвеня а 22:00. Астатнія матчы павінны быць у жывым эфіры.
28 траўня намеснік АБФФ Андрэй Васілевіч распавёў, што ў Беларусі паказваць па тэлевізары EURO-2024 не плануюць.
«На вялікі жаль, ні адзін аператар пакуль не набыў правы для транслявання матчаў чэмпіянату Еўропы на тэрыторыі Беларусі», – сказаў тады Андрэй Васілевіч.
Для Беларусі паказваць матчы без набыцця правоў – не праблема. Раней Мінінфарм дазволіў трансляцыі без згоды праваўладальнікаў, аднак УЕФА прыгразіў, што цалкам спыніць фінансаванне ўсіх футбольных арганізацый Беларусі.
Чэмпіянат Еўропы па футболе ў 2024 годзе пройдзе ў Германіі з 14 чэрвеня па 14 ліпеня.
Арсен Рудэнка belsat.eu

больш па гэтай тэме

Глядзіце больш
Item 1 of 4

апошнія

Item 1 of 10