Яшчэ тры чалавекі шпіталізаваныя.
МУС Беларусі паведамляе пра смяротнае ДТЗ у Магілёўскай вобласці: 30 чэрвеня паблізу горада Слаўгарад аўтамабіль Chevrolet сутыкнуўся з грузавіком.
Каля 17:15 на дарозе Р-43 пад Слаўгарадам 26-гадовы кіроўца Chevrolet на скрыжаванні не прапусціў грузавы аўтамабіль DAF, які рухаўся на галоўнай дарозе.
У выніку тры пасажыры Chevrolet загінулі: две жанчыны і мужчына. Яшчэ двое, у тым ліку і кіроўца, шпіталізаваныя з траўмамі рознай ступені цяжкасці.
Кіроўца грузавіка таксама дастаўлены ў лякарню.
На месцы здарэння цяпер працуюць следчыя. Распачатая крымінальная справа паводле ч.3 арт.317 («Парушэнне правілаў дарожнага руху, якое прывяло па неасцярожнасці да смерці дзвюх або больш асобаў») КК Беларусі.
Глеб Нержын belsat.eu
