Гэта трое плыўцоў і тэквандзіст.
Міжнародны алімпійскі камітэт дазволіў яшчэ чатыром беларускім спартоўцам удзельнічаць у Алімпіядзе. Для іх прадугледжаны нейтральны статус.
МАК накіраваў запрашэнні для ўдзелу ў Алімпійскіх гульнях плыўцам Аліне Змушко, Іллю Шымановічу і Анастасіі Шкурдай. Таксама на Алімпіяду паклікалі тэквандзіста Георгія Гурцыева.
МАК накіраваў запрашэнні да ўдзелу 23 беларускім спартоўцам. З іх шасцёра адмовіліся ехаць у Парыж, у тым ліку тэнісістка Арына Сабаленка. Як паведаміла Сабаленка, на гэта давялося пайсці праз стан здароўя.
Пазней Сабаленка таксама адмовілася ад удзелу ва Ўімблданскім чэмпіянаце праз траўму пляча.
У сакавіку МАК распавёў, што беларускія і расейскія спартоўцы змогуць удзельнічаць у Алімпіядзе толькі ў нейтральным статусе. У іх будзе адмысловы сцяг, не прывязаны да канкрэтнай краіны. А калі гэтыя спартоўцы заваююць медалі, то іх будуць уручаць пад музыку без словаў, якая таксама была спецыяльна падрыхтаваная да Алімпіяды. Медалі гэтых спартоўцаў не будуць адлюстроўвацца ў агульным заліку.
Арсен Рудэнка belsat.eu
