навіны

Мінабароны будзе вазіць танкі Т-34 па гарадах Беларусі

Танк Т-34 на парадзе. (Фота: Міністэрства абароны)
Танк Т-34 на парадзе. (Фота: Міністэрства абароны)
podpis źródła zdjęcia

Міністэрства назвала гэта «акцыя “Марш Перамогі”».

Па беларускіх гарадах будуць вазіць танкі Т-34 з 12 па 20 ліпеня. Гэта акцыя Міністэрства абароны «Марш Перамогі», якая прымеркаваная да 80-годдзя Перамогі ў Другой сусветнай вайне.
Танк Т-34 на парадзе. (Фота: Міністэрства абароны)
Танк Т-34 на парадзе. (Фота: Міністэрства абароны)
«Легендарныя танкі Т-34 правязуць па населеных пунктах, якія асабліва вызначыліся ў барацьбе з нямецка-фашысцкімі захопнікамі, і ў лютым гэтага года ўзнагароджаных вымпеламі “За мужнасць і стойкасць у гады Вялікай Айчыннай вайны”», – піша прэс-служба Міністэрства абароны.
У Беларусі такі вымпел маюць 36 населеных пунктаў. Да лютага 2024 года гэта былі толькі Берасце, Бабруйск, Барысаў, Віцебск, Гомель, Горадня, Жлобін, Заслаўе, Клічаў, Крычаў, Лепель, Ліда, Менск, Магілёў, Маладзечна, Ворша, Пінск, Полацк, Рагачоў, Скідзель, Ушачы, Бягомль, Лоеў, Кастрычніцкі, Расоны, Сураж, Астрашыцкі Гарадок.
А з 2 лютага Аляксандр Лукашэнка прысвоіў вымпел яшчэ 9 населеным пунктам. Гэта Баранавічы, Дзяржынск, Дзятлава, Калінкавічы, Любань, Асіповічы, Чавусы, Обаль і Асвея.
«Першымі “Марш Перамогі” сустрэнуць жыхары Дзятлава і Любані. Легендарныя 34-кі прыбудуць у горад 12 ліпеня. Плануецца, што акцыя працягнецца да 20 ліпеня», – паведамляе прэс-служба Міністэрства абароны.
T-34 – савецкі танк часоў Другой сусветнай вайны. Яго серыйны выпуск пачаўся з 1940 года.
Арсен Рудэнка belsat.eu

больш па гэтай тэме

Глядзіце больш
Item 1 of 4

апошнія

Item 1 of 10